广东古仔《光棍佬遇着冇皮柴》

老枝不老叶

喺旧时广东所谓的“光棍”其实系靠行骗嚟揾食嘅老千，并非现代人说的单身寡佬。

　　好多年前广州萝岗镇一带流传着一个光棍佬遇着冇皮柴嘅故事，话说有日，有个光棍佬抱住个仔去街，见
到有个人坐喺地下，拎住支树枝喺处计数，口中重念念有词噉：“三得个三，六得个六，六六三十四，六六三
十四……点解计来计去都唔啱嘅？”光棍佬见到心谂有冇搞错棍咁大条数都计唔倒，就话：“兄台啊，六六系
三十六，唔系三十四 啊。”嗰个人计咗下，果然计到出嚟，就话：“真系多谢大哥帮手，否侧我计到天黑都未
必计到出嚟啊！请问兄台贵姓，不如我哋做个朋友好吗？”光棍佬话：“小姓钟，就喺附近住。四海之内皆兄
弟，既然兄台愿同小弟交朋结友，梗系求之不得啦。”嗰个人连随话：“钟兄真系爽快，啱晒我脾性。小人姓
‘冇’名‘皮柴’，钟兄就叫我‘冇小弟’得啦。今日咁啱识到你呢个朋友，相请不如偶遇，我哋上茶楼坐低慢慢倾啦，我请！”

老枝不老叶

    于是就揾咗间茶楼坐落，只见冇皮柴不停向光棍佬敬茶，招呼好殷勤，又去攞啲靓点心嚟畀光棍佬个仔食，
氹到嗰条僆仔不知几欢喜！跟住冇皮柴又吩咐伙记将最靓嘅酒菜攞上嚟，两个人一路食一路倾，相当之投契，
大有相逢恨晚嘅意思。

老枝不老叶

      等到饮饱食醉嘞，冇皮柴就话：“钟兄既然住喺附近，等阵间我去拜候下令尊翁同埋令寿堂，唔知你欢唔
欢迎呢？”光棍佬话：“舍下好寒酸，如果冇贤弟唔嫌弃，当然欢迎之至！”“好，你喺处等阵，我同贤侄去买啲
礼物同烧酒烧肉，然后返嚟睇数，跟住再到府上啦！”讲完，抱起光棍佬个仔就行咗出去嘞。冇皮柴一边行重
一边同光棍佬个仔开玩笑，显得鬼咁亲热，光棍佬见到噉样，亦都冇阻挠。

老枝不老叶

         冇皮柴嚟到烧腊铺，叫声：“伙记，同我称五斤烧肉、一只烧鹅。”伙记三两下手势就搞掂递畀冇皮柴。
冇皮柴接过之后扮畀钱，点知佢扲来扲去都扲唔到钱出嚟，最后就话：“唉，我呢个人真系大头虾嘞，连银两
都漏喺茶楼，唔记得攞添。噉啦，”佢指住光棍佬个仔就讲：“你坐喺呢处等住我，我去攞银两嚟找数，然后
同你一齐返去。唔该伙记帮手关照一下，弭畀啲细露仔周围乱走，我一阵就返。”讲完拎起烧肉、烧鹅就走嘞。
个伙记见噉，唔好意思话唔得，心谂：你个仔喺处，使惊你走咗去咩！唔通为咗五斤烧肉、一只烧鹅就可以连
仔都唔要呀？于是就由得嗰个冇皮柴走嘞。

老枝不老叶

       再讲返嗰个光棍佬，一个人好逍遥自在噉喺处叹茶。点知等咗半日都唔见个冇皮柴返嚟，眼睇住茶楼就准
备要收市嘞，嗰啲伙记行过嚟几次催佢埋单。光棍佬冇计，就畀咗一两六嘅酒钱行落茶楼嘞。

老枝不老叶

       光棍佬一落街就四围咁揾个仔同埋冇皮柴。行过烧腊档，见到自己个仔坐喺处系噉喊，就一手抱起个仔，
想话走嘞。点知畀个伙记一下拦住：“弭行住，埋咗张单先！”光棍佬就问：“埋埋咩单啊？”伙记指住光棍佬个
仔话嘞：“呢条僆仔个老逗攞咗我哋五斤烧肉同一只烧鹅走，重未曾畀钱。”光棍佬呢个时候至如梦初醒，知道
中咗人哋嘅圈套，唔记得自己嘅“家训”：“光棍佬教仔——便宜莫贪。”只好自叹倒霉，又扲多二两银出嚟找数
嘞——总共系唔见咗三两六钱。

　　后来啲人就话嘞：“六六三十六，光棍佬换茶饮，佢个仔就换烧肉。”

老枝不老叶

以上古仔是在网上搜集非原创，也是细时常常听到啲古仔。

阿Q哥

老枝不老叶 发表于 2015-12-31 11:19 PM
以上古仔是在网上搜集非原创，也是细时常常听到啲古仔。

好古荐网友
品茗排前头
有枝又有叶
听到漏耳油

      

长兴黄

刚听过新年钟声.偶然间看到了这么精彩民间传说.     如今.  电话里.生活中.冇皮柴行踪诡秘.小心不要踫到.

老枝不老叶

阿Q哥 发表于 2015-12-31 11:52 PM
好古荐网友
品茗排前头
有枝又有叶

故典虽陈老，
酒提论新忧。
醒来如一梦，
慎防贼来到。