其实我本来唔想发帖的,但系真系越谂就越气愤咯~点解可以有d甘噶厂.间厂叫做千维家具,系属于美乐乐家具网网店噶仓库,我系8月份开始入去间厂度做跟单的,佢面试的时候话分两班制,早班系早上8点到下午6点,晚班系中午12点到晚上九点.试用期2300一个月加奖金,试用期过后系2600加奖金一个月,月休4日,冇社保买.
听落去好条件好像还可以,但系讲一套做一套,佢哋办公室人手根本唔够,你上夜班都可能会好d,9点左右就落班,但系如果你上早班,但系又冇人安排上夜班噶话,就意味着你要从早上8点上到晚上9点,中午同晚上除左吃饭系冇乜时间休息噶,一直都好多野做,足足系13个钟,有时候唔止呢个钟数.每个星期休一日系冇错的,但系休一日要足足加两日班,即係又两日必定系做足13个钟.
等你得闲少少果时,你又吾可以比人见到你得闲噶啵~话要帮下人哋做嘢之类噶说话,如果唔系就话你唔团结之类的,但系d老臣子(即係入嚟做嘢工龄比我哋d新人耐噶人),佢哋见到你d新人做到死,佢哋好得闲噶话都唔会话帮下手,落班果时做完佢哋自己噶野,就商量去边食饭,去边行街之类的,就留底我哋d新人喺度加班,直到做完为止.d野唔可以留翻第二日做噶~如果唔系实闹到你扑街~我最记得,中秋果晚,我諗住同埋另外一个入嚟做左冇耐噶本地人一齐早d走,諗住中秋节早d返屋企食饭之类的,平时我哋都有加班的,唔系话偷懒之类的人,但系个经理偏偏系果时发癫,打电话比个主管叫我哋翻翻去做嘢,果时我地已经系车棚准备走,仲要闹左我哋一餐,话你哋休息噶时候人哋都系晚晚加班噶啦~依家人哋都仲系上面做嘢,你有咩理由甘早走之类的说话,跟住我哋好无奈好气愤甘上翻去~点知发现办公室一个人影都冇,全部落晒班去食饭噶食饭,去街噶去街!!!我叼你老母啊~?
跟住个经理果时喺度,但系佢就冇出声,继续做自己噶野~我哋就做,一直加班加到晚上10点啊~你老母只臭seo~中秋节唔比人准时落班不单只仲要加班到晚上10点,真系好冇人性~系果度做左两个月多d~我每个月系屋企食饭噶次数唔超过8次~晚晚多系加班.期间系有人過嚟面试啊,但系全部都系做唔落去就走晒~成间办公室10几个人,就得3个本地人.怪唔得人哋都话一间太多外地人噶厂系唔好的.
好啦,重点黎了.就系10月开始之后好似开始冇咁多野做了.晚上7点左右就可以落班了,比起之前9点已经觉得好好多,起码可以迟少少翻屋企食饭.佢就黎一个岗位调动,然后调左2日,个主管琴日无端端系个QQ度叫我去财务室结埋d工资听日唔使上班,我问佢系未我做错野,佢话唔系,系高层噶决定,跟住我就二话不说甘关QQ.去收钱,我都唔想同佢讲咁多.去结算工资果时先知道佢将工厂之前未过试用期噶人(即係未做够3个月噶人)全部炒晒,无论咩职位,之前间垃圾仲要系论坛度猛发帖话招人,依家人哋扑心扑命同你加班,就因为依家d程序简化晒,冇咁多野做就炒晒人哋,你哋d良心真系过意得去么?从之前工厂噶170人,两日一下子减到140人.
所以我敬告各位,如果呢间厂日后再招人噶话,就唔好甘笨了.如果唔系你几时比人炒你都未知.地址就系九江客运站对面马路珠银物流仓,楼下有个小卖部的.  |
发表于 2012-10-10 11:20 AM
提升卡
置顶卡
变色卡
发表于 2012-10-10 11:43 AM